الجمعة، 24 يوليو، 2009

رسالتي إلى إدارة مصيف الأمان العائلي بمصراتة -ليبيا

من هنا بوابة الدخول لأحلى قرية صيفية في ليبيا من وجهة نظري , القرية أو المنتزه الذي تعودت في مدخل كل صيف الاستعداد لزيارته وقضاء إجازة وجيزة بداخله والتمتع بمياه البحر الهادئة والشمس الدافئة ونسمات الليل العليلة .

هنا منتزه الأمان العائلي بمدينة مصراتة ,وهذا المظهر العام للقرية أثناء الغروب .






لن أبالغ في الوصف , ولكني لا أبالغ إذا قلت انه يشمل كل دواعي الراحة الأمن والأمان محافظا على العادات والتقاليد فمن أجمل الأنظمة داخل القرية هو منع دخول الشباب منفردين بدون عائلاتهم منعا باتا وكذلك ارتداء الثياب المتطابقة لقيمنا وأخلاقنا ولا وجود لملابس تخدش حيائنا واحترامنا لبعض ( يعني لا معاكسات ولا تقليل لقدر الأب وإلام ) كما يتميز بنظافة الغرف ( الشاليهات ) وتوفير الراحة التامة والهدوء والحدائق الجميلة والكورنيش الرائع .
وبما أننا بشر فلابد من وجود الأخطاء , وبصراحة الأخطاء إدارية للأسف , يعني
طريقة الحجز غير منطقية فليس من المعقول أن يذهب سكان طرابلس , أو غيرها من المدن البعيدة إلى مصراتة لمجرد الحجز أو لمجرد الصدفة , يعني ليس من المعقول أن يصعب علينا الحجز من منازلنا في توفر خدمة الانترنت والكمبيوتر والتطور عبر البلاد , هذا مع العلم أن أرقام الهواتف لا يتم الرد عليها , يعني حتى الاستعلام عن وجود غرف للحجز غير معروف وكله بمحض الصدفة .
والأمر من هذا انه بعد وصولك وللقيام بعملية الحجز يجب أن تنتظر حتى الساعة الثانية علما بأن الغرف يتم تسليمها عند الساعة الثانية عشر .
ومعظم المصيفين يرتادوا القرية حبا فيها ولنظامها ونظافتها واحترامها ولكن التذمر من طريقة الحجز موجود
وأخيرا أتمنى من كل قلبي تحسين هذا العيب واحترام الأفراد الذين يرتادون القرية حبا في قوانينها وحتى يبقى دائما وأبدا منتزه الأمان العائلي أحلى منتزه في نظري ...والسلام عليكم












‏هناك 47 تعليقًا:

  1. شكرا لهذه التدونية الرائعة ولكن لي رأي

    بدلا من الزحام والإزدحام على قرية واحدة لماذا لا يتم إنشاء قرى على طول الساحل ؟
    في مدينة طرابلس لاتوجد قرية يهذه المواصفات ،فبدلا من بناء الأبراج التي تطاول عنان السماء عليهم التفكير براحة البشر الذين أخذت منهم الحياة ومشاكلها وضغوطها مأخذا


    محبتي

    ردحذف
  2. والله كلامك منطقي اختي غيداءوكل مشية للمصيف نفس الكلمة نقولو فيها لكن شن بتقولي يمكن المحافظة على النظم والاحترام داخل طرابلس اصبح شي مستحيل
    والسلام عليكم

    ردحذف
  3. السلام عليكم
    مصيف الامان انا ذهبت له جمال خلاب روعة والله إنه لامان اريد رقم المصيف وعنوان بريده كان من المكن وكان الله في عونكم
    والسلام عليكم

    محمد عبد الباسط الامام

    ردحذف
  4. وعليكم السلام خوي محمد
    وحنا معاك مية بالمية ان المصيف روعة ,بس الارقام مهملة عندهم وصدقني انا مروحة من القرية طلبت الارقام لان قريبتي طلبتهم مني قالولي ماتحاوليش مانردوش عليهم
    وشكرا لمشاركتك

    ردحذف
  5. بالنسبة للأخ أو الأخت اللي يسئلو عن الجو العام في المصيف , فنحب نقول الجو حلووو وأكثر من رائع داخل المصيف , ونتمنى اجازة رائعة لكل شخص فيه
    والسلام عليكم

    ردحذف
  6. السلام عليكم ورحة الله وبركاته ...

    فعلا هي مكان راقي جدا للعائلة و فعلا للعائلة قولا وفعلا .. وبها امكانيات جيدة ..
    و التقصير موجود كما قلتي ولكنها امنة حقا ..
    بالنسبة للحجز لديهم شركات مخولة بالحجز لاخل مدينة طرابلس ... سأتي لك ان شاء الله باسم الشركة واعتقد ان مكانها شارع ميزران الشارع المقابل لجامع ميزران او زقاق على اليمين
    فقد حجزت من هناك العام الماضي ...
    وكان الامر سهلا جدا ..

    واقول لك ان الاجواء في القرية لا تعجب الباحثين عن (الجو) ممن يرتادون قرى اخرى ...


    وسبب نجاح هذا المصيف هو المحافظة على القيم الاخلاقية فيه و كما هو واضح ان ذلك در عليهم مكاسب جيدة و الناس اصبحت تحب هذا المكان لما فيه من امان وراحة ...


    واعتقد ان من يديرون ذلك المصيف هم رجال ...


    شكرا لك ...

    ردحذف
  7. كلامك صح اخي بومدين لكن السنة هذي قالونا مافيش حجز من طرابلس حتى حنا حجزنا قبل سنتين من طرابلس وبعدين قالو خلاص صارتلهم مشاكل
    وكلامك من ناحية الاجواء مية بالمية صح وهذا مايميز القرية ,ويمكن يكون هو نفس السبب لعدم كثرت قرى زيها لان توفير الاحترام بدي شي صعب شوية
    وشكرا

    ردحذف
  8. اني اصيف اللي مشيت غادي كان احلى واروع و ارقى قرية عائلية مشيتلها .........الحق ممتاازة جدااا و حتى اني مروحة كنت فرحااااااانة هلبة ....و اهلي حتى هما عجبتهم لأنها محترمة و ماشاءالله عليها ....و نظيفة ...اللي مش ماشيلها قبل يقول لالا عادية اكييد ..لكن الحق حلوة و كان في اكتر من صور هادوا ياريت لأنها الحق حلوة

    ردحذف
  9. نعم مصيف الامان اسم علي مسمي انا ذهبت مرتين الي المصيف ولكن عندي ملاحظة علي ادارة المصيف من ناحية الحجز ،حيث لا يتم الرد علي الهواتف وكذلك الهواتف ليست صالحة ...............عليه نامل من ادارة المصيف المحترم ايفادتنا بطريقة الحجز وكذلك ارقام الهواتف ...........ومزيد من التألق والابداع من اجل راحة المصيفين.

    ردحذف
  10. السلام عليكم --عفوا بالنسبة لمصيف الامان كان الى فترةالسنة الماضية محافظ ولكن بعدها تغيرت الادارة واصبح مصيف غير اخلاقي من حيث ارتداء ملابس البحر الغير محتشمة فالادارة السابقة كانت مانعه لهدا اللباس مع اقامة السهرات الليلية بفرقة شباب وهدا كله جعل الاكثر من العائلات المحافظة تنسحب وتبحث عن مكان افضل

    ردحذف
  11. لوسمحت قداش ايجار الشاليه

    ردحذف
  12. والله يا نجوى انا الصيف الي فات بس فيه ومالاحظتش الكلام اللي تقولي فيه وبالنسبة للحفلات فحفلات محترمة جدا ويقدر اللي مايبيش يحضر يقعد في مقره

    ردحذف
  13. من فضلكم نبى نعرف سعر الحجره وامتى يبدا الحجز

    ردحذف
  14. ادا امكن رقم الادارة امتع المصيف للتسجيل ..

    ردحذف
  15. السلام عليكم والله المصيف 100/100 لكن الحجز صعب هلبة ولكن في المصيف كويسة اسمه الجزيره والله مليحة

    ردحذف
  16. معلش انا سمعت بأنه تم هدمه ريحو روحكم عليكم وعلى تاجوراء وخلاص

    ردحذف
  17. الماذة العاملين في هذا المصيف لا يحترمون اليبين القادمون من المناطق المجاورة وخاصتآ من طرابلس وسرت والخمس وهذة ليست غلطتهم بل من قام بتكليفهم ونامل تحسين المعملة لن اصبح اهل طرابلس يفضلون اذهب الي جرسيس والي جربة وصبرتة الثاريخية ....والي اامانة السياحة نأمل منه اقامة متل هذة المنتزهات في معظم مدن الساحل

    ردحذف
  18. السلام عليم يا جماعة تو بالله عليكم قداش حق الغرفةغادي

    ردحذف
  19. اكثر مكان شفت فيه المحسوبية والواسطة في الحجز مصيف الامان شعور غريب عندما تقول له انك من طرابلس وجاي تحجز علي طول القرية محجوزة بالكامل انا كرهت المصيف من الشكلات المقبلة اللي في الاستقبال الكذب عيني عينك

    ردحذف
  20. شنو جو الاسعار هل تمشي مع الراتب المؤظف العادي ؟

    ردحذف
  21. والله كويس وتمام ماقنا شي لاكن اولا المعاملة غير صحيحة وطريقة الحجز جاهلية وقديمة جدا وعدم وجود احترام للعائلات من حيت طول الانتضار خارج المصيف والاسعار غير منطقية مبالغ فيها مع عدم وجود تطوير وتحسين نهائي للمنتزه

    ردحذف
  22. امال طرابلس15 يوليو، 2010 5:42 ص

    معغش فهمت شى وين الصح وين الغلط كله كلام مناقض لبعضه

    ردحذف
  23. المصيف حلو ووكويس ومريح جدا والامان يعني اسم علي مسمي بس الاسعار غالية ومبالغ فيها شوي ياريت اخفضو فيها شوي باش اتكون مناسبه لكل الناس

    ردحذف
  24. والله مصيف الامان حلو جدا والبحر امتاعه غير عادى بس كيف مافالت اختى لاسعار غالية كان ايخفضوهن يصبح احلى مصيف فى ليبيا

    ردحذف
  25. السلام عليكم يااخت همسات نفسي بنوهك على مصيف تاني اسمه جوهرة الشاطئ هدا بعد مصيف الامان والله ماشاء الله حتى هوا ماسكينه جماعة مكافحة المخدرات واحسن يوم فيه الجمعة ولوتبي اي استفسار هدا رقمي 0927609279

    ردحذف
  26. هل تصدقوا ان اقصر برج فى طرابلس يجهز قريتان سياحيتان متكاملتان بس شني بنديروا بلاد نفطية واسمنتية وغير هكي مافيش و السياحة بره عوم فى المصيف البلدي و الافيكوات يتفرجوا عليك لين يعبوا ركابهم ههههههه انشاله خير و خلاص

    ردحذف
  27. عذرا يا اخي الكريم انا والله مصيف الجوهرة مش ماشيتله فمانقدرش نتكلم عليه ولو سخر ربي ومشيت لمصراتة السنة الجاية حنشوفها بإذن الله

    ردحذف
  28. نبي تحجز في مصيف الأمان مصراتة وماقدرت نبي رقم المكتب

    ردحذف
  29. بصراحة مصيف الأمان احسن مصيف انا نمشيله ليا 6 سنين وماعمري شفت اي سي غير اخلاقي

    ردحذف
  30. ممكمن نعرف كيف نحصل في المصيف قولولي اي طريقة بليز

    ردحذف
  31. مافيش طريقة الا انك تمشي للمصيف وتحجز وهذا العيب اللي انا متكلمة عليه في المدونة هذا اهم عيب في القرية وياريت يهتمو بزوار القرية من مدن اخرى ويديرو مكاتب للحجز وشكرا

    ردحذف
  32. مساء الخير ( كل عام وانتم بالف خير ) رمضان كريم عليكم جميعا ) انا اسمى وليد من مصراته وانا مذيع او المنشط الخاص بالحفلات للاطفال والعائلات داخل قرية شاطيء الامان اريد من الجميع ما هى مميزات الحفلات اللى يحضر فيها وما هى عيوبها وشكراااا

    ردحذف
  33. وليد كيف الحال الصيف الماضي ماكنتش موجود للاسف في الفترة اللى انا مشيت فيها نتفكر جابو فرق موسيقية وجابو شخصين جدد علبا ... بس بصدق وامانة السنوات اللي قبلها حضرتلك اكتر من حفلة وكانو روعة وموفق ان شاءالله

    ردحذف
  34. لو ان فى طرابلس نفس هدا المصيف مش راح نمشيله لان الفرق حيكون فى الاخلاق والمشاكل و العقليات اللى بدت زى ال.......... للاسف , الطبع تغير , والناس غيرت حتى مشيتها و الواحد كل ما يتباعد كل ما يستريح مع العلم ان انا من طرابلس

    ردحذف
  35. كلامك حق ومنطقي بصراحة مصايف طرابلس نهائي معاش ينقربو وللاسف اكتر انهم بدو يتميزو بقلة الادب ويشبحو فيها علامة تحضر ورقي

    ردحذف
  36. الامان احسن مصيف فى ليبيا وناس مصراتة منحضرين جدا

    ردحذف
  37. للحجز في المصيف الاتصال علي الارقام التالية 0912146333 الحاج فرج احبارة مدير المصيف

    ردحذف
  38. الاخ عبدالله احباره مشرف الغرف والخدمات مشكور على ما قمت به اخوك الطرابلسى محمد العلوى

    ردحذف
  39. السلام عليكم .الحاج فرج احبارة السنة الماضية حاولت انا وعيلتي الحجز بالتليفون ولكن تم الرفض وبلغونا بضرورة الحضور شخصيا والانتظار لانه مرات اللي حاجيزين مايبوش يطلعو وها عمري ماسمعت بيه الا عندنا ... هل تم تغيير طريقة الحجز؟

    ردحذف
  40. والله هدا المصيف حاجه روعه تعرفو الامان الي فيه حاجه تانيه طبعا اني اتعلمة سباحه غلدي بي لبلاش الي يبي يتعلم مدربين بي لبلاش لعلمه بلوشي

    ردحذف
  41. صح مفيش مصايف في طرابلس راقيه زي مصيف الامان بمصراته لاكن انشاء الله في العهد اجاي فيه فيه طبعا بعد ميطور ليبين هههههههههه اختكم ليبيه حره انموت في مصراته انحبها

    ردحذف
  42. نبي انرد اعلي همسات نفسي فرج ولهي ياخوي هدا صح تبي تحجز برا استنه غادي مش امقعمز في حوشك او تبي حجز ضار هدا ايصير بعد ما ليين يطورو مش توه ليبيه حره

    ردحذف
  43. حفلات يا وليد اتهبل او مفيهاش عيوب اني من مشتركين في هدي حفلات او بل اخص حفلات يوم الخميس بنت طرابلس

    ردحذف
  44. اشنه مصيف شوفته مصيف جوهره سووووووووري اخي فرق بين سماء والارض مقارنه بي مصيف الامان بنت ليبيه حره

    ردحذف
  45. في مصيف شاطىء الامان تو فيه عاصبة من التوار ولكن هما مش من التوار الحقيقين هما توار السرقة كتيبة ابن غلبون قعدين سكير وحشيش وسرقه وفساد اضايقو في موظفين المصيف بالقوة ارجو من المجلس العسكرى التدخل لان المصيف هدا حرم ايفسدوه لانه وجهة مصراتة

    ردحذف
  46. السلام عليكم
    نحب نقول للساده انه باب الحجز في المصيف مفتوح لصيف 2012 والامور ماشيه والحمد لله ..

    محمد شفتر \ مصراته

    ردحذف
  47. هواتف المصيف

    ردحذف